Пратеникот Љупчо Пренџов од ГРОМ, денеска од собраниската говорница му се обрати на Димитар Апасиев од Левица, обвинувајќи го дека води само фејсбук политика и не прави ништо за уривање на власта.
„Само луѓе коишто немаат доверба во себе и сопствените способности имаат потреба да излезат на оваа говорница за да си ја фалат сопствената партија. Зборувате за Енгелс, за супата и за влакното, ама не зборувата на кои протести сте ја рушеле оваа влада, на кои митинзи сте се обратиле и сте повикале народ против Зоран Заев? Не зборувате колку предлози сте дале и закони сте блокирале против Зоран Заев? Единствено што ве поврзува вас Левица и Зоран Заев е помошта што му ја дадовте во Шарената револуција и палевте канцеларии. Тоа е вистината, сѐ друго е замајување на јавноста и фејсбук политика“, му се обрати Пренџов на Апасиев.