На 22 овој месец во 13.30 часот на автопат А1 во правец Смоквица-Демир Капија од полициски службеници од Полициска станица Богородица е лишен од слобода И.Б.(26) од Скопје. Тој во патничко моторно возило „фолксваген голф“ со велешки регистарски ознаки превезувал шест лица- мигранти од Сирија и Авганистан, соопшти МВР.
И.Б. при обид да биде сопрен од полициски службеници, не застанал, и на место викано „Црвени брегови“ со возилото удрил во патничко моторно возило „БМВ“ со скопски регистарски ознаки управувано од Б.К. од Гостивар.
Известен е јавен обвинител и И.Б. е задржан во полициска станица Неготино. По насока на јавен обвинител против него ќе биде поднесена кривична пријава по член 418-б,ст.2 од Кривичниот законик.
