![Denari-pari-raka-520x277](https://i0.wp.com/netpress.com.mk/wp-content/uploads/2018/09/Denari-pari-raka-520x277.jpg?resize=520%2C277&ssl=1)
Според податоците од Државниот завод за статистика, во август 2024 година, просечната месечна бруто-плата по вработен изнесуваше 61.806 денари. Ова претставува пораст во однос на август 2023 година, со индекс од 113.2. Значителното зголемување на платите е особено присутно во секторите образование (19.3%), уметност, забава и рекреација (18.9%), како и јавна управа и одбрана, каде зголемувањето изнесува 17.3%.
Споредено со претходниот месец, забележано е значително зголемување на бруто-платите во секторите уметност, забава и рекреација (5.1%), земјоделство, шумарство и рибарство (4.3%), како и во објектите за сместување и сервисните дејности со храна (3.3%).
И покрај покачувањата во секторите каде претходно се исплаќала минимална плата, програмерите остануваат најплатени, со просечна плата од 1.600 евра месечно. По нив следуваат вработените во фармацијата, воздухопловството, финансиите и научното истражување, со плати околу 1.000 евра.