Парламентот во петокот ја почна постпаката за уставни измени за промена на името во согласност со Договорот од Преспа.
По ова следуваат уште неколку фази и гласања на пратениците, а целата процедура треба да заврши во втората половина на јануари.
Во следните денови власта и опозицијата преку Собранието ќе почнат да работат на текстот на нацрт амандманите. Според премиерот Зоран Заев, нема пречки во нив да бидат вградени и барањата на групата опозициски пратеници кои гласаа „За“.
И вицепремиерката и министер за одбрана, Радмила Шекеринска посакува пратениците да постигнат консензус за уставните измени. Не сака да прејудицира колку амандмани ќе има и што точно ќе содржат.
Министерката вели дека ова е вистинскиот момент да се порази поделеноста на државата и да прекинат политичките поделби и конфликти.