Времето во вторникот во Македонија ќе биде променливо облачно и нестабилно со локален пороен дожд, грмежи и засилен ветер, особено во јужните делови.
Утринската температура се движи од 10 до 16, а максималната дневна ќе достигне од 22 до 29 Целзиусови степени. УВ-индексот ќе има вредност 7.
Во Скопје и околината денеска ќе биде променливо облачно со сончеви периоди. Попладне ќе има услови за развој на нестабилност со пороен дожд и појава на грмежи. Утринската температура се спушти до 13, а дневната ќе достигне до 27 Целзиусови степени.
Во текот на оваа седмица ќе преовладува променливо облачно време со сончеви периоди. На повеќе места ќе биде нестабилно со пороен дожд, грмежи и засилен ветер, особено во попладневните часови.
Локално во следните денови процесите ќе бидат поинтензивни со пообилен дожд за кратко време, почести електрични празнења и појава на град. Температурата нема значително да се менува.
