Времето денеска ќе биде променливо облачно и студено со повремени врнежи од дожд, а на планините и на некои повисоки места од снег. Ќе дува умерен, а долж Повардарието засилен ветер од северен правец.
Утринските температурите се движат од минус 2 до 6, а максималните дневни ќе бидат 1 до 10 Целзиусови степени.
Во Скопје облачно и студено, претпладне со слаб дожд. Ќе дува засилен ветер од северен правец, со највисока температура до 7 степени.
Во следните два дена времето ќе биде променливо облачно и студено со повремени слаби врнежи кои на повисоките места и на планините ќе бидат од снег. Ќе дува умерен, долж Повардарието засилен ветер од северен правец. Од среда до петок утринските температури на места ќе се спуштаат под нула.
