Времето во Македонија во средата ќе биде променливо облачно, попладне во западните делови со повремен дожд.
Ќе дува слаб до умерен северен ветер. Кон крајот на денот од запад ќе се прошири нова облачност од која преку ноќта ќе започнат поинтензивни врнежи од дожд.
Утринската температура се движи од 2 до 9, а максималната дневна ќе достигне од 10 до 17 Целзиусови степени.
Во Скопје и околината денеска ќе биде променливо облачно, студено и ветровито. Од вечерните часови ќе биде облачно и преку ноќта со појава на повремен дожд. Утринската температура ќе се спушти до 6, а дневната ќе достигне до 13 степени.
Во четврток ќе има пообилни врнежи, кога поради спуштање на студена воздушна маса, на планините особено во западните делови ќе врне снег, а понекаде и на повисоките места дождот ќе преминува во снег.
