Македонските заедници во светот во вторникот попладне во Скопје организираат протест за одбрана на името на државата и идентитетот на нацијата. Маршот ќе почне пред Мисијата на Европската унија, а ќе заврши пред Собранието.
Се бара безусловен прекин на разговорите за името и продолжување на членството во Обединетите нации и во меѓународните организации под државното име Македонија, повлекување на Законот за употреба на јазиците, на Договорот со Бугарија и итно ослободување на притворените и осудените за собраниските настани од 27-ми април лани.
Барањата ќе бидат доставени до претседателот, до Собранието, до Владата и до странските амбасади во Македонија.
Од опозициската ВМРО-ДПМНЕ велат дека тие не се организатори, но дека го поддржуваат уставното право на мирен протест.
Владиката Агатангел нема да го предводи вечерашниот протест за одбрана на државата и идентитетот на нацијата. Иако шесте патриотски здруженија најавија дека на чело на протестната поворка ќе застане тој, митрополитот повардарски г. Агатангел изјави дека ќе биде учесник, но не и предвоник.