Рускиот претседател Владимир Путин на почетокот од војната во Украина вети дека нема да го убие украинскиот колега по должност Володомир (Владимир) Зеленски, изјави поранешниот израелски Нафтали Бенет во интервјуто за 12-от канал на израелската јавна телевизја.
Бенет, кој по инсистирање на Зеленски кој има еврејско потекло во првите денови од војната го контактираше за посреднички контакти, во интервјуто вели дека тоа му го ветил Путин во текот на нивниот состанок во Москва ланскиот март.
Бенет, кој во тој момент беше израелски премиер, беше првиот западен челник кој го посети Путин во Москва по почетокот на војната. Следеа натамошни обиди за посредување меѓу Русија и Украина, но тие не беа успешни, за што на друго место во интервјуто израелскиот политичар вели дека мировниот договор не бил постигнат поради инсистирањето на челниците на водечките западни земји.
„Животот на водачот е навреден во судир… Знаев дека Зеленски е во опасност, беше во бункер чијашто локација не беше позната“, рече Бенет.
Поради тоа, по „три-четири часа разговор“ го прашал рускиот претседател дали сака да го убие Зеленски, што Путин го негирал, вели натаму тогашниот израелски премиер.
Бенет од Путин барал да му го даде својот збор: „Рече: ‘Нема да го убијам Зеленски’’. Додава дека по средбата му се јавил на Зеленски директно додека од Кремљ се возел кон московскиот аеродром.
„Слушај, штотуку бев на состанокот, нема да те убие“, се присетува Бенет на тој телефонски разговор со Зеленски. Украинскиот претседател го прашал дали е сигурен, а израелскиот премиер рекол „Сто отсто“.
Два часа подоцна Зеленски снимил видео од својот кабинет во кој тврдеше дека не се плаши за сопствениот живот, додава Бенет.
