На њујоршки Волстрит цените на акциите во вторникот значително пораснаа, најмногу во технолошкиот сектор, па берзанските индекси ги надоместија загубите од претходниот ден.
Индексот Dow Jones зајакна 0,30 отсто, на 42.080 поени, додека S&P 500 порасна за 0,97 отсто, на 5.751 поен, а индексот Nasdaq порасна за 1,45 отсто, на 18.182 поени. Со вчерашните добивки индексите ги надоместија загубите од претходниот ден кога паднаа за околу 1 процент.
Во девет од 11-те најважни сектори, цените на акциите пораснаа, најмногу во технолошкиот сектор. Цената на „Nvidia“ скокна за повеќе од 4 отсто, додека акциите на другите технолошки гиганти, како што се „Apple“, „Tesla“ и „Meta Platforms“, поскапеа меѓу 1,4 и 1,8 отсто.
Од друга страна, паднаа цените на акциите во рударскиот и енергетскиот сектор, бидејќи паднаа цените на нафтата и другите суровини, кои во претходните денови силно пораснаа поради новите стимулации за кинеската економија.
Во фокусот на инвеститорите оваа седмица ќе бидат новите податоци за инфлацијата во САД, кои ќе покажат дали и се отвора дополнителен простор на американската централна банка да ги намали каматните стапки. Пазарот проценува дека има околу 85 отсто шанси Fed да ги намали каматните стапки за дополнителни 0,25 процентни поени во ноември, откако во септември ги намали за 0,50 процентни поени.
Кон крајот од седмицата неделата започнува сезоната на објавување квартални финансиски извештаи на компаниите, што би можело значително да влијае на насоката на пазарот во наредните седмици.
