Од раскошни јахти и палати до приватни авиони и уметнички дела…Супербогатите Руси под товарот на западните санкции се лишени од своите луксузни играчки.
Конфискацијата на имотот несомнено тешко им паѓа на олигарсите кои се сметаат за домашни миленици во Кремљ.
Во Британија под санкции се над стотина руски супербогаташи и нивните семејства, во САД 140, а во Европската унија повеќе од 30.
Британскиот министер за транспорт Грант Шапс рече дека таквите мерки се дизајнирани да удрат онаму каде што олигарсите најмногу се повредуваат, „во пристапот до луксузните играчки“.
Британската престолнина долго време се нарекува „Лондон Сити“ затоа што беше рај за богатите Руси кои сакаа да ги сокријат своите пари, да ги образуваат своите деца и да инвестираат таму.
Сега тоа им е одземено“, напиша Економист.
Дури и славниот Роман Абрамович беше мета на санкции, поради што беше принуден да го продаде фудбалскиот клуб Челзи, ќиј сопственик е од 2003 година.
Аналитичарот Алекс Најс вели дека таквите потези во високо глобализираната економија се „целосно непозната територија“.
Секогаш кога војната ќе заврши, длабокиот јаз меѓу Истокот и Западот ќе остане, дури и ако богатите не се експроприраат, туку нивниот имот е само замрзнат.
„Се чини дека санкциите нема да бидат укинати наскоро“, рече Најс, бидејќи „специјалната операција“ на Путин во Украина може да трае со години.
Минатиот месец Форбс отстрани 34 Руси од својата годишна листа на глобални милијардери „поради лавина санкции“.
„За нив војната е апсолутна катастрофа“, вели социологот Елизабет Шимпфоесл од Универзитетот во Бирмингем, авторка на „Богати Руси“.
Многу олигарси имаат повеќекратно државјанство и не брзаат да се вратат во Русија.
„Западот, сепак, е место каде што руските власти не можат да ги прогонуваат“, рече Шимпфоесл. „Олигарсите никогаш не се замарале со развојот на владеењето на правото во Русија.
Размерите на одземениот имот се запрепастувачки. Британската влада проценува дека на пример Абрамович вреди 10,5 милијарди евра.
Тој, наводно, има шест суперјахти, од кои две се закотвени во Турција, со што ги избегнал санкциите.
Членките на ЕУ запленија имот во вредност од 30 милијарди евра, од кои приближно седум милиони се во јахти, хеликоптери, имоти и уметнички дела.
Вашингтон блокираше јахти и авиони вредни повеќе од милијарда долари.
Претседателот Џо Бајден предлага трајни санкции, тврдејќи дека на олигарсите не треба да им се дозволи да уживаат во луксуз додека умираат украински деца.
