САД објавија зголемување на наградата од 25 милиони долари за информации што ќе доведат до апсење на венецуелскиот претседател Николас Мадуро, на денот кога положи заклетва за неговиот трет шестгодишен мандат.
Беа понудени и награди за информации што ќе доведат до апсење и/или осудување на министерот за внатрешни работи Диосдадо Кабело. Нова награда до 15 милиони долари е понудена и за министерот за одбрана Владимир Падрин.
Велика Британија, исто така, издаде санкции за 15 највисоки венецуелски функционери, вклучувајќи судии, членови на безбедносните сили и воени претставници.
Исто така во петокот, Европската унија соопшти дека ги проширува „рестриктивните мерки“ против Венецуела поради „недостигот од напредок што води кон обновување на демократијата и владеењето на правото“. Унијата санкционираше и 15 други венецуелски функционери.
Канада, исто така, воведе нови санкции поради, како што рече министерката за надворешни работи Мелани Џоли, „бесрамните постапки“ на Мадуро.
Мадуро и неговата влада повторно ги осудија многуте обвинувања од западните земји и опозициските лидери како неосновани и империјалистички.
Американската награда е поврзана со наводи за наводен наркотероризам и корупција од 2020 година. САД го обвинија Мадуро и другите високи венецуелски функционери дека наводно ги преплавиле САД со кокаин и ја користеле дрогата како оружје за да го поткопа здравјето на Американците.
Мадуро ги отфрли овие обвинувања. САД, исто така, повторно воведоа санкции за нафтата минатата година, откако привремено ги олеснија со надеж дека Мадуро би можел да биде охрабрен да одржи слободни и фер избори.
Венецуелскиот претседател ги обвини економскиот колапс во неговата земја на санкциите предводени од САД, кои тој ги нарекува нелегитимни и империјалистички. Неговите критичари ја обвинуваат корупцијата и економското лошо управување.
Во петокот, претседателот Мадуро положи заклетва, ветувајќи дека неговиот трет шестгодишен мандат ќе биде „период на мир“.
Резултатите од изборите на 28 јули беа главно отфрлени од меѓународната заедница, вклучувајќи ги Бразил и Колумбија, некои од левичарските соседи на Венецуела.
Мадуро има неколку преостанати сојузници, вклучувајќи ги Кина и Русија, како и Иран, но Запдот насотојува сѐ повеќе да биде изолиран на светската сцена. Кубанскиот и Никарагванскиот претседател наводно биле единствените лидери присутни на инаугурацијата, од латиноамериканските земји, според BBC.
Мадуро беше прогласен за победник на претседателските избори во јули минатата година, но опозицијата и многу земји сојузници на САД, повторно го отфрлија резултатот и повторно како и на минатите избори го прогласија опозицискиот кандидат Едмундо Гонзалес за „легитимен новоизбран претседател“.
Но бидејќи Гонзалес немаше вистинска широка поддршка во земјата, како и слаба меѓународна која ќе извршеше суврезивен и воен протисок врз владата на Мадуро, побегна од Венецуела во септември и живее во Шпанија, но овој месец отиде на турнеја низ Америка за да собере меѓународна поддршка.
