Американскиот претседател Доналд Трамп, вели во интервјуто објавено во вторникот за ресурсот Axios, дека неговата администрација го покренала процесот за укинување на стекнувањето на државјанството на САД со раѓање.
Во разговорот Трамп вели дека соработува со правните советници за да се запре ваквата практика којашто во САД постои од 1968 година и пропишува дека американското државјанство му се доделува на секое лице родено на територијата на Соединетите држави.
„Ние сме единствената држава на светот каде што некое лице може да дојде, да роди дете и дететото станува државјанин на САД следните 85 години со сите повластици кои одат со тоа… Смешно е и мораме тоа да го укинеме… процесот е во тек и ќе се случи потпишување на извршна наредба“, вели Трамп.
Меѓутоа, спротивно на неговото уверување, десетици земји во светот доделуваат неограничено државјанство со раѓањето, меѓу кои се и соседните Канада и Мексико.