Градоначалникот Орце Ѓорѓиевски денес на улицата Румена Хаџипнзова го промовираше вториот од седумте капитални инфраструктурни проекти кои се реализираат во рамки на роденденските активности на Општина Кисела Вода. Во населбата Драчево, се санирани три клучни сообраќајници- “Румена Хаџипанзова”, “Јанко Мишиќ” и “Речиште”. Паралелно во соработка со Градот Скопје течат проекти за реконструкција на булеварот ,,Борис Трајковски, за улицата “Славка Динкова” за која тендерската постапка е при крај, а кон средината на јули, готова ќе биде и целосната реконструкција на улицата ,,Живко Фирфов”. Ова е само дел од 14-те километри патна инфраструктура на која се интервенира за само 7 месеци, откако Општина Кисела Вода има ново раководство.
-Денес сме во населбата Драчево, каде го финализираме последниот дел, пооследните 300 метри од санацијата на улицата Румена Хаџипанзова и со тоа го заокружуваме големиот проект на Општина Кисела Вода за санација на три клучни фреквентни улици во оваа населба.
Покрај оваа улица долга околу еден километар која гледаме дека е во завршна фаза, направивме целосна замена на оштетениот асфалт и на улицата “Јанко Мишиќ”, во должина од околу 700 метри. Важноста на наведените реконструктивните зафати, целосно ја разбираат жителите на овој дел од Скопје, кои овие улици, поради нивната централна поставеност ги користат буквално секојдневно. За жал, децении наназад, никој не интервенирал во нивно одржување па тие, со сите свои оштетувања, освен што го нарушуваа ликот на населбата Драчево, беа и опасни за одвивање на сообраќајот.
Кога сме кај решавањето на децениските проблеми на граѓаните, посебно сакам да ја издвојам улицата “Речиште”. 30 години нананад никој немал слух за барањата на жителите за создавање на елементарни услови за живот преку изградба на фекална канализација. Проблемот го решивме веднаш по моето доаѓање на градоначалничката позиција. Изградивме фекална канализација поставивме и пумпи, во периодот што следи парцијално ќе продолжиме да ја санираме постојната проблематична фекална на другите краци. Денес го промовираме она што следеше потоа. Целосна санација на улицата “Речиште”, преку поставување на нов асфалт на целиот тој потег.
Почитувани, ова се само три поголеми улици кои денес ги издвоивме од многуте кои се опфатени со градежната офанзива што ја отпочнавме во општина Кисела Вода. Само во Драчево, паралелно со ова што го говорев досега, преку соработка со градот Скопје, со темелна реконструкција е опфатена и улицата Славка Динкова, за која тендерската постапка е во тек, и која повторно претставува решение на проблем стар преку 30 години, а активно тече и реконструкцијата на булеварот ,,Борис Трајковски”. Преку неа, Драчево со централниот дел на Кисела Вода ќе се поврзе преку модерно булеварско решение со 4 ленти, а кон средината на јули, готова ќе биде и целосната реконструкција на улицата ,,Живко Фирфов”.
Ова е само дел од 14-те километри патна инфраструктура на која интервенираме за само 7 месеци. Градежната офанзива започна и допрва ќе се случува. Ќе го менуваме ликот на општината и ќе ја направиме пожелна дестинација за домување, за работа, за живеење. Денешниот настан е втор од предвидените 7 преку кои ги отпочнуваме или завршуваме седумте капитални инфраструктурни проекти, во рамките на роденденското празнување на општината под слоганот “67 години моја Кисела Вода“-изјави градоначалникот Орце Ѓорѓиевски.
