Актуелниот шкотски фудбалски шампион глазговски Селтик во одбраната на титулата во неделата тргна со убедливата победа од 5:1 против Хамилтон Академикал.
На домашен терен Селтик во ловот на деветтата последователна титула тргна со „хет-трикот“ на најдобриот стрелец од минатото првентво, Одсон Едуард кој погоди во 20, 49 и 53 минута, а по еден погодок постигнаа Фримпонг во 31 и Климала во 9о минута, додека за гостите привремено на 1:2 намали Мартин во 34 минута.
Шкотското првенство започна во саботата кога Ренџерс како гостин со 1:0 го совлада Абердин, а Хибернијан со 3:1 го совлада Килманрок, Сен Мирен со 1:0 беше подобар од Ливнгстон, додека Данди Јунајтед и Сен Џонстон одиграа без победник 1:1. Колото во понеделник ќе го затворат Рос Каунти и Мотервел.