Хрватската пејачка Северина Којиќ сака повторно да стане мајка и на својот сопруг Игор Којиќ да му роди дете. И покрај тоа што има 47 години и што пред две години го изгуби бебето зачнато со вонтелесно оплодување, познатата пејачка не ја губи надежта дека ќе забремени повторно и на својот син Александар (7) да му подари брат или сестра.
Таа во нејзиното последно интервју изјави дека Милан Поповиќ, таткото на нејзиното прво дете, воопшто не ја интересира, но и не сакаше до крај да одговори на незгодните прашања од новинарите поврзани со него.
Инаку, сопругот на Северина, Игор Којиќ, е 15 години помлад од неа. Тој постојано ја следи на нејзините настапи, а тоа очигледно и годи. Така беше и на нејзиниот последен настап на 58 Фестивал на културата на младите во Књажевац, каде сопругот ја следеше во секој чекор. Тие изгледаа како тукушто да запловиле во љубовните води, а медиумите единствено им замерија што Северина по неколку незгодни прашања поврзани со претходниот брак им избега на новинарите и не сакаше да го доврши интервјуто.
