Шведска ќе ги укине речиси сите преостанати епидемиолошки мерки на 29-ти септември, објавија официјалните претставници на прес-конференцијата во вторникот, а одлуката за укинување на и онака благите мерки наскоро се заснова на високата стапка на вакцинација на популацијата и ниската стапка на смртност од Covid-19.
До 7-ми септември 70 отсто од возрасната популација во Шведска примиле две дози од вакцините против коронавирусот, а вкупно 81,6 проценти од граѓаните над 18 години добиле барем една доза.
Според податоците на Европскиот центар за контрола и превенција на болестите (ECDC), Шведска ja има трета најниска стапка на смртност од Covid-19 во Европа, по Лихтенштајн и Словачка, во последните две седмици и оваа ситуација трае од почетокот на летото.
„Долго време бевме принудени да живееме под ограничувања за да ги заштитиме животите и здравјето на граѓаните. Благодарение на успешната кампања за вакцинација, изминавме долг пат и сега нашето општество е во подобра ситуација. Така, се движиме кон нормален секојдневен живот. Ние сме дека ограничувањата имаат мал ефект врз борбата против инфекцијата“, рече министерката за јавно здравје Лена Халенгрен, најавувајќи мерки за ублажување.
Од 29-ти септември, нема повеќе ограничувања. Исто така, укинати се ограничувањата за приватни собири во затворени простории, на кои не можеа да присуствуваат повеќе од 50 луѓе.
Најголемото изненадување е повлекувањето на препораката за работа од дома, што значи дека многу компании, јавни и државни институции ќе ги поканат вработените да се вратат во своите канцеларии по година и половина.
„ Се покажа дека вакцинацијата е важна и дека даде резултати. Имаме добра покриеност и јасно го гледаме ефектот од вакцинацијата. Имаме најниска стапка на смртност во Европа. Вакцинираните лица од 29-ти септември можат да живеат како порано, додека оние кои не се вакцинирани се изложени на ризик да добијат сериозна болест“ , рече Џон Чарлсон, директор на Институтот за јавно здравје.
Заразите со коронавирусот во Шведска не се стивнати, а дневниот просек е малку повеќе од илјада нови коронаинфекции.
Според Чарлсон, болеста главно ги погодува луѓето кои не биле вакцинирани, така што интензивната кампања за вакцинација продолжува за сите возрасти, особено кај тинејџерите на возраст од 16 до 18 години.
