Легендарниот фудбалер на Манчестер Јунајтед и репрезентативец на Англија, Пол Сколс е убеден дека шампионската титула во англиската Премиер лига, е милион километри одалчена од фудбалерите на Арсенал.
„Најмногу ми е жал за најверните фанови на Арсенал. Секоја година иста приказна. Убедени се дека нивниот тим ќе ја освои шампионската титула и потоа нивните миленици се поразени со убедливи 6:0 од директниот ривал во борбата за шампионската титула Челзи. Знам дека се уште веруваат во шампионскиот пехар, но тој е многу далеку од Арсенал и тоа милион километри. Арсенал има потреба од лидер, од цврст карактер. Арсенал капитулираше на “Стемфорд Бриџ” и секогаш е така кога играат против најквалитетните тимови во англиската Премиер лига. Приметив дека Артета, Казора, Росицки и Озил не знаат што е дисциплинирана игра. Немаат лидер како Патрик Виеира, Тони Адамс или Мартин Кион”, изјави Сколс.
