Словачка почна ново масовно тестирање за коронавирус, со намера да се укинат некои ограничувања на луѓето кои имаат негативен тест на ковид-19.
Тестирањето ќе послужи и како основа за нови локални ограничувања во земјата со 73 окрузи.
Сите Словаци ќе добијат антиген тест од денеска до 26 јануари, по што ќе се бара негативен тест за антиген или PCR за да одат на работа или на патувања во природата, согласно компромисно решение меѓу премиерот Игор Матович, кој продолжува да инсистира на масовно тестирање за ковид-19 и неговите коалициски партнери.
– Одлучивме да комбинираме блокада со масовно тестирање. Потоа ќе интервенираме во областите каде што треба да се стави под контрола ситуацијата – рече премиерот Игор Матович на прес-конференција.
Последните тестови ќе завршат на 26 јануари. Од 27 јануари, Словаците на возраст од 15 до 65 години ќе можат слободно да се движат доколку имаат негативен тест за антиген или ПЦР.
Министерот за здравство Марек Крајчи рече дека по тестот, Словачка ќе биде поделена на 37 лоши и 36 добри окрузи.
– Во лоши области, скринингот ќе се повтори. Од 3 февруари, ќе треба да се докаже со негативен тест кога ќе влезете на работното место – рече тој.
