Цените на некои енергенси за потрошувачите во Словенија од 1 септември годинава ќе бидат пониски, бидејќи Владата ја намали стапката на ДДВ за нив, од 22 на 9,5 отсто. Тоа беше одлучено на последната седница на владата на премиерот Роберт Голоб.
-Со одлуката државниот буџет годинава и следната година ќе остане без околу 130 милиони евра, а мерката е донесена како дел од севкупните мерки за намалување на зголемените трошоци за енергија за граѓаните и за компаниите, изјави министерот за финансии Клемен Боштјанчич.
Одлуката за намалена стапка на ДДВ се однесува и на струјата, природниот гас, парното греење од топланите и дрвната биомаса, додека мазутот, бензинот и дизелот остануваат со иста даночна стапка како досега, бидејќи директивата на ЕУ не дозволува намалување на ДДВ на овие енергенси на Унијата, рече Боштјанчич.
Тој потсети дека Владата веќе ги регулираше цените на нафтените деривати, но и на електричната енергија, што потрошувачите ќе можат да го почувствуваат и врз висината на другите цени што ќе бидат пониски.