Во вторникот утрото во скопската населба Аеродром бил пријавен несекодјневен случај во кој новородено бебе било напуштено од мајката, за која постојат сомневања дека се породила во својот дом.
Од СВР Скопје за „Република“ го потврдиле случајот и информирале дека мајката на бебето го оставила новороденчето кај својата мајка, по што заминала во непознат правец.
Претпладне околу 11 часот женско лице пријавило дека во нејзиниот дом на ул. „Методија Шаторов Шарло“ во Аеродром се појавила нејзината ќерка со новороденче во рака. Таа го оставила новорододенчето кај мајка си и го напуштила местото. Новороденчето било однесено во Клиничкиот центар Мајка Тереза на преглед, информираат од СВР Скопје за „Република“ и додаваат дека преземаат мерки за пронаоѓање на мајката на новороденчето, но и за расчистување на целиот случај.
