Жителка на Скопје, во близина на маркетот Веро-Тафталиџе, шетајќи низ паркот во близина забележала змија од отприлика метар и пол.
Таа се јавила во ЦУК, но ѝ кажале дека не се надлежни за тоа и ѝ дале број од лиценцирана фирма од Куманово која пак, за оваа интервенција им побарала да платат.
Вели дека змијата набргу се скрила во купот гранки и лисја.
Од ЦУК им рекле дека најверојатно станува збор за смок кој е безопасен, па не треба да се плашат.
Во секој случај, опасен или не, сигурно никому не би му било сеедно да се сретне со змија.
Ако и да не е отровна, сигурни сме дека ќе ги извади од памет и најхрабрите, а особено децата кои си играат во паркот.
