Бројот на жртвите од експлозијата на цистерна со нафта во Танзанија се зголеми на 75, откако уште четири лица во болница им подлегнаа на повредите.
Поради несреќата, претседателот на таа земја Џон Магуфили прогласи национална жалост, а вчера и денеска се погребани настраданите.
Меѓу повредените, кои се здобија со тешки изгореници, има и лица кои се обидувале да го извлечат горивото од резервоарот по несреќата.
Експлозијата се случи на околу 200 километри западно од главниот град Дар ес Салам.
Инциденти со смртни последици кога луѓе крадат гориво од оштетени цистерни не се ретка појава во Источна Африка.
