Времето во Македонија во вторникот ќе биде сончево со мала до умерена облачност. Ќе дува слаб до умерен, а долж Повардарието повремено засилен ветер од северен правец.
УВ индексот ќе има вредност 6.
Утринските температури се движат од 6 степени на повисоките места, до 16 Целзиусови степени на југот на земјата. Максималните дневни, пак, ќе се движат во интервалот меѓу 20 и 28 степени соодветно за регионите.
Во Скопје и околината денеска ќе биде претежно сончево со слаб до умерен северен ветер. Утринската температура се движи околу 11, а највисоката дневна ќе достигне 25 Целзиусови степени.
Од среда дневните температури ќе бидат во пораст, а в четврток и петок ќе биде натпросечно топло за овој дел од годината.
