НБА тимот Детроит Пистонс официјално објави дека потпишал четиригодишен договор со својот центар Ајзеа Стјуарт вреден вкупно 64 милиони американски долари.
Стјуарт е првиот центар на тимот, а минатата сезона 22-годишниот Стјуарт имаше просек од 11,3 поени и 8,1 скока по натпревар. Во март тој заработи тешка повреда на рамото, поради што беше надвор од теренот во остатокот од сезоната.
На драфтот во НБА пред три години Стјуарт беше избран од Портланд како 16-ти пик, но брзо беше разменет во Детроит, чиј дрес ќе продолжи да го носи.
Детроит со години е на дното во Источната конференција, а минатата сезона беше особено лоша за тимот. Со соодносот на победи и порази од 17-65, Детроит беше најслабиот тим во целата лига.
Во својата дебитантска сезона, Стјуарт беше избран за вториот најдобар дебитант тим во НБА.
