Во изминатото деноноќие во Словенија се направени 1.168 тестирања за коронавирусот, а позитивни се само 28, јави дописникот на МИА од Љубљана.
Според овие информации, продолжува трендот на стабилизирање на новозаразените, а новите инфицирање во најголем дел се во домовите за стари лица, што е жаришта на вирусот.
Во болниците ширум земјата од Ковид-19 се лекуваат 96 лица, а на одделите за интензивна нега се наоѓаат 34 пациенти.
Во изминатите 24 часа, од здравствените установи се отпуштени 13 лица кои оздравеле, а бројот на починати се зголеми за пет.
