Возач на мопед е тешко повреден во сообраќајна несреќа која се случила вчера околу 13 часот на бул.„Јане Сандански“.
Во несреќата учествувале мопед „кимко“, со скопски регистарски ознаки, управувано од К.Р.(26) од Скопје и патничко возило „мини купер“, со скопски регистарски ознаки, управувано од Е.А.(43) од Скопје.
-Во незгодата со тешки телесни повреди се здобил К.Р., по што бил пренесен во Градската општа болница „Св.Наум Охридски“ за укажување на лекарска помош, информираат од МВР.
Извршен бил увид на местото на незгодата од увидна екипа од СВР Скопје.
