Малолетничка била тешко повредена кога во неа удрил автомобил додека се возела на велосипед, во скопската населба Аеродром, информираше МВР.
Според полицијата, сообрачајната несреќа се случила половина час по полноќ на крстосницата од булеварите Србија, Видое Смилевски-Бато и Јане Сандански. Тогаш автомобил „пежо“ што го управувал Т.К. (24) од Скопје, удрил во 15-годишна девојка која управувала велосипед.
Таа од ударот добила тешки телесни повреди и со возило на Итна медицинска помош била пренесена во комплексот клиники „Мајка Тереза“. Таму и била укажана лекарска помош и била задржана на понатамошно лекување. Увид на местото на настанот извршила екипа од СВР Скопје.