Обвинителите во турската престолнина Анкара во петокот, на 13 јануари, започнаа истрага за видео снимка на која се гледа кукла со ликот на претседателот Реџеп Тајип Ердоган како виси за нозе на мостот во главниот град на Шведска, Стокхолм.
Истрагата уследи по жалбата на адвокатот на Ердоган, објави државната новинска агенција „Анадолија“. Шведскиот амбасадор во Анкара по објавувањето на видеото е поканет на интервју во турското министерство за надворешни работи.
Turkey summons Swedish ambassador over Erdogan puppet protest in Stockholm https://t.co/kQmXdbrw4H pic.twitter.com/bktAeDSXVO
— Mutlu Civiroglu (@mutludc) January 13, 2023
Според сликите на социјалните мрежи, курдските организации одржаа протест во близина на градското собрание на Стокхолм во средата, на 11 јануари. Шведскиот министер за надворешни работи Тобијас Билстром го осуди инцидентот на Твитер.
Турција ги блокира напорите на Шведска и Финска да се приклучат на НАТО, наведувајќи ја нивната наводна поддршка на организациите кои Анкара ги означува како терористичка, вклучувајќи ја и забранетата Курдистанска работничка партија (ПКК), која се бори за автономија во Турција од 1980-тите.
‘Erdogan’ in Stockholm! pic.twitter.com/18bcHon0AS
— Ashok Swain (@ashoswai) January 12, 2023
ЕУ и САД, исто така, ја сметаат ПКК за терористичка организација. Ердоган јавно ги критикуваше шведските власти што им дозволија на наводните поддржувачи на ПКК слободно да парадираат во Стокхолм. Тој побара одредени осомничени да бидат депортирани во Турција.
