Повеќе од 57 милиони луѓе во неделата гласаат на локалните избори во Турција на околу 200.000 избирачки места во 922 окрузи.
Изборите се одржуваат за 1.389 градоначалници и илјадници општински совети и други локални функционери. Некои анкети покажуваат дека владејачката партија на претседателот Реџеп Тајип Ердоган би можела да биде поразена во главниот град Анкара и во другите големи градови.
Ердоган и неговата Партија за правда и развој (AKP) кои победија на сите избори откако партијата дојде на власт во 2002 година, се соочуваат со зголемена опозиција со економијата на земјата во рецесија, невработеност и зголемената инфлација. Ердоган има кампања низ цела Турција во последниве денови, иако тој не е на самиот гласачки лист. Во Анкара, според неколку анкети, опозицискиот кандидат за градоначалник Мансур Јавас е во водство, а Ердоган постојано го напаѓа во неговите говори, обвинувајќи го за фалсификат и даночно затајување.
Партија на правдата и развојот на Ердоган заедно со Националистичкото движење и Партијата на големото единство се обединети во коалицијата Народна алијанса.
Партијата на правдата и развојот има свој кандидати во 27 градови, националистите во три, а како коалиција во 21 град. Главната опозиција е претставена од коалицијата Национална алијанса, која е составена од секуларната Републиканска народна партија и националистичката Добра партија.
