Моментално најдобриот американски играч на голф во светот, 27=годишниот Скоти Шефлер, е уапсен и одведен во полициска станица со лисици на рацете, јавува AFP.
Голферот се обидел да ја заобиколи полициската контрола на патот кон теренот Валхала во Луисвил каде што требало да го игра вториот круг од шампионатот PGA, јавуваат американските медиуми. Шефлер, наводно, одбил да застане на барање на полицаец кој го насочувал сообраќајот околу голф-теренот, каде што несреќата што се случила пред пристигнувањето на играчите направила голем сообраќаен метеж.
Второто коло од шампионатот PGA доцнеше 80 минути „поради несреќа што се случи во близина на патеката во која пешак загина од автобус“, соопшти PGA, повикувајќи се на полицијата.
Во воведното коло во четвртокот, Шефлер постигна 67, четири под исто ниво, што го стави на 12-то место.
Скоти Шефлер освои два „главни“ турнира во 2022 година и беше број еден веќе 80 седмици.
