Тетовската лица за само дваесетина дена уапсила 120 лица за поседување на дрога, информираше МВР.
Во рамките на планираните активности на СВР Тетово за откривање и санкционирање на лица кои се инволвирани во неовластено производство и пуштање во промет на наркотични дроги, психотропни супстанци и прекурсори, во текот на минатиот месец, поточно од 6 до 28 септември, на поширокото полошко подрачје лишени од слобода се вкупно 120 лица, велат од МВР.
Најголемиот број од нив- 92 лишени се на тетовското, а 28 на гостиварското подрачје. Претежно станува збор за машки лица на возраст од 15 до 45 години, не само од Тетово и Гостивар, туку и од повеќе села, кај кои пронајдена, фотодокументирана и одземена е марихуана, кокаин, хероин, хашиш и екстази.
По целосно документирање на случаите против лицата се поднесуваат соодветни кривични пријави.
