Според податоците на Државниот завод за статистика, индексот на цените на угостителските услуги во април 2022 година, во споредба со март 2022 година, е зголемен за 2.5 отсто. Споредено по групи на услуги, зголемување е забележано во групите Храна за 3.2 отсто, Алкохолни пијалаци за 1.4 отсто и Безалкохолни пијалаци за 4.6 отсто, објави Државниот завод за статистика.
Индексот на цените на угостителските услуги во април 2022 година, во однос на истиот месец од претходната година, е зголемен за 9.8 отсто.
Кумулативниот индекс на цените на угостителските услуги за периодот јануари – април 2022 година, во однос на истиот период од минатата година, е зголемен за 6.3 отсто, додека во однос на декември 2021 година, е поголем за 4.5 отсто.
