Украинските сили вчера во четири наврати ја гранатираа територијата на Русија на границата со Украина, обвини руското Министерство за одбрана.
Гувернерот Вјачеслав Гладков изјави дека Украинците погодиле цели во на селата Журавлеква и Сподарјушино во регионот на Белгород. Како што појасни, еден човек е полесно повреден. Во овие напади оштетени се станбени згради, тврди Министерството.
Беше соопштено и дека напади имало и во селото Климово, во регионот на Бријанск и на граничната станица Новје Јурковичи, во истиот регион. Во селото, при украинскиот напад, повредени биле осум лица, меѓу нив и дете и повозрасна жена, кои завршиле со потешки повреди.
Украина, досега, ниту ги потврди, ниту ги негираше овие напади.
