Околу сто килограми небезбено месо и подготовки од месо се уништени од Агенцијата за храна и ветеринарство (АХВ) во вторникот во Куманово, откако биле спроведени вонредни контроли во ресторани, месарници и маркети.
-За утврдените недоследности – продажба на замрзната чорба, ставање во промет на замрзнати подготвени подготовки од месо (плескавици, ражнич), продажба на месо и подготовки од месо без декларација, како и за измината важност на санитарни книшки на вработени кај оператори со храна и непоседување на комплетна документација, изречени се мерки опомена и парични казни во висина од 100 до 1000 евра во денарска противвредност, зависно од тежината на прекршокот и големината на операторот со храна – велат од АХВ.
Со инспекциски надзори во Куманово опфатени беа и два големи супермаркети кај кои не беа утврдени неусогласености со прописите од областа на безбедноста на храната.
