Македонскиот ракометен шампион Вардар непосредно пред дерби дуелот со Металург во СЕХА лига направи промени по што го отпушти досегашниот тренер Андон Бошковски, објави порталот „мкд.мк“. Сега не е јасно кој ќе ги води „црвено-црните“ ракометари на дербито, но тоа ќе биде веќе четврта опција на клупата.
Според шпекулациите, на клупата вечерва на дуелот во СЦ „Борис Трајковски“ ќе биде или Горан Симиќ, кој и досега беше дел од стручниот штаб, или пак би можел да се појави и Пепи Манасков, кој неодамна беше ангажиран за да работи со младинските категории во клубот.
