Девет луѓе се убиени во пукањето во градот Дејтон, во американската сојузна држава Охајо, соопшти во неделата локалната полиција.
Во нападот ранети се уште 16 луѓе. Напаѓачот, исто така, е меѓу смртно настраданите. Пукањето се случило на подрачјето на „East 5th Street“ во округот Орегон во Дејтон.
На прес-конференцијата на локалните власти беше истакнато дека напаѓачот бил застрелан од припадници на безбедносните сили, а неговиот идентитет сѐ уште не е утврден. Сите повредени се пренесени во околните болници, но нивната состојба не ја прецизираат властите на Дејтон.
На местото на настанот и натаму работат припадниците на локалната полиција на кои им се придружиле агенти на Федералното биро за истраги (FBI). Локалното население е предупредено дека треба и натаму да биде претпазливо.
Станува збор за второт масовно пукање во последниот деноноќие во САД. Претходно во саботата, 21-годишно бело момче отвири оган од автоматско оружје во продавница на „ Walmart“ во состав на трговскиот центар „Cielo Vista“ во Ел Пасо, во сојузната држава Тексас. Во неделата властите потврдија дека во овој масакр се убиен 20 лица, а уште други 26 се ранети.
#BREAKING: Just getting on scene in Oregon District. Dozens of police here. Working to confirm numbers and conditions on those shot. @dayton247now pic.twitter.com/hKtaoLTJpN
— Molly Reed (@MollyR247Now) August 4, 2019
