Јута го доби големото дерби против Денвер (127-120) и ја продолжи трката да обезбеди домашен терен во текот на цел плеј-оф. Рекордна вечер имаше Бојан Богдановиќ кој постигна 48 поени и беше незадржлив за одбраната на гостите. Не помогна ниту одличната игра на стартерите на Нагетси, кои ги предводеше Никола Јокиќ со 24 поени.
https://www.youtube.com/watch?v=l_PwDrLfzPM&feature=emb_title
ЛА Лејкерс го загубија директниот судир со Портланд (106-101) и сега се на местата кои носат плеј-ин турнир. Шампионот има големи проблеми со повреди и никако не може да врзе добра серија резултати. Ентони Дејвис не можеше сам, па „езерџиите“ запишаа пораз и покрај неговите 36 поени и 12 скока. На спротивната страна со 38 поени нешто подобар беше Дејмиан Лилард.
https://www.youtube.com/watch?v=lxVPrOyKgWE
Трката за првото место на Западот ја продолжи Феникс со домашниот триумф над Њујорк (128-105). Екипата од Аризона одигра перфектна последна четвртина која ја доби со 38-17 и се одлепи за конечна победа.
https://www.youtube.com/watch?v=1nAEsBPj5fs
Ефикасен натпревар одиграа Милвоки и Хјустон (141-133), Далас немаше проблеми со Кливленд (110-90), а доминацијата на домаќините ја потврдија уште Чикаго, Филаделфија, Шарлот и Мајами.
