Скандалот „Шпанско Село 2“ во режија на министерот Венко Филипче се уште останува без одговори, истакна портпаролот на ВМРО-ДПМНЕ, Наум Стоилковски
„Уште повеќе, Филипче не одговара, зошто неговото министерство лажно тврди оти имотот во сосопствеништво и во партнерски однос меѓу семејството на сопругата и добитникот на тендерите од здравството, е земјоделско а не градежно земјиште. Уште повеќе што тврди дека СЕ ГРАДИ, значи е градежно земјиште. Згора на се, семејството и добитникот на тендерите заедно финансирале во изработката на урбанистички план за објекти за времено сместување“.
Тој вели дека познатата Касарна на Филипче не е семејна куќа, туку според планот за градба е само еден од петте објекти за времено сместување, согласно урбанистичкиот план со ознака А4!
Филипче премолчил дека негов соработник и близок колега, директор на клиника, има ист таков партнерски однос со добитникот на тендерите во здравството, и притоа е потписник на половина од парите добиени на тие тендери.
„Филипче не одговара ниту за тоа како е можно, неговото семејство, односно најблиското семејство на сопругата, да има заеднички имот и со добитникот на тендерите и со нему близок соработник, директор на клиника кој што исто така е потписник на дел од тендерите.
Откако Венко Филипче е министер за здравство, компанијата на сосопственикот на плацевите од „Шпанско Село 2“ со поширокото семејство на Венко Филипче, како и со соработник на Венко Филипче, има добиено тендери тешки 426,388,279 денари од тендери. Или, 6,933,143 евра.
Од нив лично Филипче има потпишано тендер во износ од 34,229,676 денари или 556,580 евра.
Директорот на Трауматологија, Ортопедија, Анестезија, Реанимација, Интензивно лекување и Ургентен центар, скратено ТОАРИЛУЦ, Илир Хасани, близок соработник на Венко Филипче, сосопственик на плацеви со семејството на Филипче и со добитникот на тендерите, само тој има потпишано 230,848,442 денари односно 3,753,633 евра.
Вкупно, со министерувањето на Филипче и директорувањето на Хасани, партнерите на Горан Филипов во инвестициите во „Шпанско Село 2“, одлеале 479,776,616 денари или 7,801,246 евра преку тендери!
Ова е последниот тендер доделен од Илир Хасани, тежок над 1,700,000 евра. Ова пак е договорот со потпис на Венко Филипче за над половина милион евра, наменет за истиот, сосопстеник на плацевите во „Шпанско село“, договор од 8-ми март минатата година!“, посочува портпаролот на ВМРО-ДПМНЕ.
„Шпанско село 2“ е проект на семејството на сопругата на Венко Филипче, кој што се реализира за време на неговото министерување, објаснува Стоилковски и додава дека на падините на Водно се градат објекти за времено домување, кои што се маскирани, за сега неуспешно, во градба наводна на семејна куќа. Партнерот, соинвеститорот, сосопственикот на плацевите во „Шпанско село 2“ е добитник на речиси 8 милиони евра од тендери во здравството.
Стоилковски е категоричен дека хибридниот режим повторно е фатен во корупциски скандал, и упорно се труди прво со закани, а потоа и со премолчување да го сокрие.
Но одговори мора да има, вели Стоилковски: „Како со административна плата се доаѓа до над 15,500 метри квадратни имот на Водно?
Што тоа планирал Филипче да изгради и на какви бизнис зделки размислувал за време на министерувањето наместо да изгради да речеме државна болница или пак Клиничкиот центар?
Ќе се заинтересираат ли конечно институциите задолжени за борба со корупцијата дека овие тендери доделени во здравството се плод, резултат на конфликт на интереси?
Дали градежната намена од А4 која што опфаќа и старечки домови не било и тема на состанокот помеѓу Венко Филипче со Боки 13?“
