По повод посетата на Бакингемската палата во Велика Британија и средбата со неговото височество Кралот Чарлс Трети со амбасадорка од Македонија во Велика Британија, нејзината екселенција Катерина Ставреска, покрај протоколарниот дел од средбата организиран на највисоко ниво со неговото височество, почитуваната амбасадорка ја изрази срдечноста и пријателството на македонскиот народ кон британскиот народ со подароци од најубавите стари брендови кој традиционално ја претставуваат културата на Македонија и регионот низ светот.
Брендот Охридски Бисер и Филигран-Филеви Т.М. 1928 изразува огромна благодарност за довербата и честа која ни беше укажана, за овој величествен чин, да биде избран нашиот луксузен бисерен накит кој специјално го изработи со огромна љубов, почит и позитивна енергија, четвртата генерација изработувач на оригинален охридски бисер и почесен конзул на Република Србија во Македонија со седиште во Охрид, м-р Михајло Филев.
За неговото височество Кралот Чарлс Трети беа изработени копчиња за кошула од бисерни плочки гравирана со иницијали со посебна рачна техника и поставени во украсна филигранска уметничка контура.
За нејзиното височество Кралицата Камила се изработи бисерен ѓердан во три реда со брош од бисерна плочка гравирана со ликот на кралицата на основа од оникс поставен на филигранска уметничка контура.
