Милвоки и Мемфис изедначија во стартните плеј-оф серии против Мајами и Лејкерси, иако играа без стандардни првотимици.
Бакси беа без Јанис Антетокумпо, но доминираа во текот на целиот натпревар и славеа победа од 138:122. Во ниту еден момент Мајами не можеше да се надева на позитивен исход во овој меч, па така во третата четвртина стигнаа до највисоките 36 поени разлика.
Брук Лопез беше најдобар на теренот со 25 поени, Џру Холидеј уфрли 24, додека Грејсон Ален и Крис Мидлтон постигнаа по 16 поени. Во редовите на гостинскиот Џими Батлер со 25 и Адебајо со 18 беа најефикасните.
Мемфис без Џа Морант кој е суспендиран им возвратија на Лејкерси победувајќи ги со 103:93. Ксавиер Тилеман беше најдобриот со 22 поени, а кај Лејкерси Леброн уфрли 28, додавајќи и 12 скока, додека Руи Хичимура го заврши натпреварот со 20 поени.
Денвер повторно не дозволи изненадување и со победата од 112:113 против Минесота дојде до 2:0 во серијата. Јокиќ одново беше одличен со 29 поени, девет скока и девет асистенции, но поентерски најефикасен беше Џамал Мареј кој уфрли 40 поени. Ентони Едвардс за Минеоста постигна 41 поен.
