Шест лица загинале а уште 150 други се повредени по уривање на трибината на импровизираната арена за борба со бикови во градот Еспинал колумбиската провинција Толима, јави локалното радио Ondas de Ibague.
Властите на Еспинал прогласија вонредна состојба по уривањето на импровизираните трибини на градскиот плоштад каде се одржувала корелахата (колумбиска верзија на корида), по повод локалните праслави во чест на Сан Хуан и Сан Педро.
На снимките емитувани на локалните медиуми се гледа моментот од уривањето на трибините, како и многу повредени со скршеници. Се стравува дека бројот на повредените може да биде и далеку повисок.
Според последните податоци кои ги соопштил мајорот Луси Фернандо Велез, шеф на Цивилната одбрана на Толима, потврдени се шест жртви. Двајца загинале на самото место, а уште четворица, меѓу кои и едногодишно момченце им подлегнале на повредите во болница. Повеќе до 150 луѓе се згрижени во болниците во Еспинал.
Според Велез, медицинскиот персонал во Еспинал бил недоволен, па со дополнителни амбулантни возила од блиските градови се прават процени на повредите и пациентите со најсериозни се префрлаат во блиските медицински центри.
Коралеха е традиционална улична корида во Колумбија за која вообичаено се подигнуваат импровизирани трибини. Во некои региони на земјата на ваквите настани е забрането да се убиваат животите, изморените бикови се изведуваат од арената и се заменуваат со одморни.
Но чести се смртните случаи на аматерските тореадори. Така ден претходно девет лица биле повредени токму во Еспинал во борбите со биковите.ж
Hoy sufren un accidente tan cruel como el mismo espectáculo de tortura animal que presenciaban. https://t.co/kEBzE46acU
— DiferOB (@diegoobandor) June 26, 2022
