Портпаролот на владејачката СДСМ, Костадин Костадинов, мора да одговори за својата улога во случајот „Рекет“, како дел од невладината одрганизација Меѓународен сојуз основана од сега осудениот во споменатиот процес Бојан Јовановски Боки 13, побара гласноговорникот на опозициската ВМРО-ДПМНЕ, Наум Стоилковски.
„Антизападниот Коста Костадинов да одговори која е неговата улога во случајот “Рекет” кој гледаме дека станал државен и партиски занает на СДСМ во исто време. Лицемерно е да се правиш правдољубив, а да си прв во скутот на оние кои ѝ служат на неправдата“, напиша на својот фејсбук-профил Наумовски.
Тој потсетува и притоа презентира материјали коишто, како што вели, докаживаат дека, Костадинов бил дел од Меѓународниот сојуз на Бојан Јовановски
„…. А гледаме дека бил и многу близок до него и неговото друштво од кого сега многу лесно се откажуваат и сакаат да ја пресоблечат кожата. Арно ама има фотографии, видеа, како ова што сега го објавувам, каде го гледаме во друштво на оние кои беа дел од рекетот.
Антизападниот Костадин напиен, насмеан, самозадоволен, стимулиран во прегратка на рекетот, кој самиот Бојан вели дека завршил кај Зоран и Вице Заеви.
Костадине народот вели “млад беше, млад загина”, овој пат на релација помеѓу желбата да бидеш богат и славен и во исто време во скутот на Заев.
И ти и јас знаеме дека си во скутот на семејството Заеви, но дали си и чирак и во рекетот на мафијата, тоа допрва ќе се види. Тоа знај Костадине освен желба да станеш славен може да ти донесе и одговорност пред законот , затоа не прифаќај да служиш на секој занает на Заеви.
Жален крај на една амбиција и кариера која никогаш и вистински не започнала.
to be continued…“, напиша Стоилковски.