-Данела Арсовска и СДС се во коалиција, Ковачевски потврди дека имале и средби, плод на коалицијата е директорот на ЈСП, кадар на СДС. Димитар Ковачевски јавно призна дека имал средби со Данела Арсовска. А, тоа се гледа и по кадровските политики на градоначалничката на Скопје, која за свои први соработници назначува луѓе од СДС, изјави денеска портпаролот на ВМРО-ДПМНЕ, Наум Стоилковски.
-Имено Александар Стојковски, директорот на ЈСП поставен од Данела Арсовска е кадар на СДС. Ова е фотографија од која се гледа Стојковски на партиските состаноци во централниот штаб на СДС. Заедничкиот интерес на таквата коалиција се тендерите и договорите во 4 очи. Зошто ЈСП троши повеќе нафта од тоа што трошеше со повеќе автобуси од пред 8 години? Зошто фирмата на владиниот пратеник е победничката на милионскиот тендер за набавка на нафта за ЈСП?
Одговорите ги крие коалицијата Арсовска – Ковачевски, кои што се одговорни за хаосот. Данела Арсовска молчи и за долгот на Клинички центар кон ЈП Водовод и канализација. Зошто молчи, ако не се во тајна коалиција?
Град Скопје му должи на ЈП Улици и патишта. Данела Арсовска го заглавила градот во долгови, неподмирени обврски и во проблеми. Еден од таквите проблеми е и застојот во јавниот превоз. Додека делат тендери, Арсовска и Ковачевски ги ставија приватните превозници на милост и немилост, а скопјани со нарушен јавен превоз.
Скопје е блокирано, а скопјани заглавени во сообраќаен хаос, и тоа е вина само на СДС и на Данела Арсовска. Очигледно е зошто ВМРО-ДПМНЕ ја повлече својата поддршка за Арсовска. Никогаш нема да поддржиме некој кој тргнува во коалиција со криминалци за правење на матни зделки, изјави Стоилковски.
