Пејачот Владо Георгиев бил вратен од границата со Црна Гора, а му била врачена и одлука со која нему му се забранува влез во земјата.
Георгиев ваквата вест самиот ја сподели на својот профил на Твитер велејќи дека причините за тоа се поврзани со националноста и внатрешната безбедност.
„Господа, на границата ми беше врачена одлука со која се забранува да влезам во Црна Гора! Причините се национална и внатрешна безбедност! Еве, не знам што друго да додадам … Дно на дното. На ваше здравје и на ваш образ! Напијте се, забавувајте се“, напиша тој на Твитер, споделувајќи фотографии од писмената забрана.
