Зоран Заев преку морбидна предизборна кампања си поигра со судбината на семејствата на свирепо убиените деца кај Смилковско езеро. Зоран Заев ја крие вистината и ја исполнува платформата од Тирана, велат од ВМРО-ДПМНЕ.
Родителите на убиените, јасно кажаа дека Зоран Заев им покажувал транскрипти од разговори помеѓу обвинетите и високи функционери на ДУИ. Тие рекоа дека Заев им тврдел дека поседува информации дека петте телефони кои комуницирале со обвинетите, а се заведени како државна тајна се на високи функционери на ДУИ. Зоран Заев да престане да бега и да ги изнесе своите сознанија на суд. Граѓаните очекуваат од Заев да престане со морбидно манипуилативната политика и да каже која е поврзаноста на Невзет Бејта и функционери од ДУИ со убиството, стои во реакцијата на партијата.
Зоран Заев е должен да даде одговори, во спротивно тој прикрива докази. Случајот Монструм е жив пример колку СДСМ и Зоран Заев се спремни да одат далеку се само за да ја задржат власта. Граѓаните очекуваат правдата да излезе на виделина. Овие изживувања, бегања од одговор и одговорност мораат да запрат. Мора да има крај на нечовечно однесување на ова ненародна власт на СДСМ и Заев, велат од ВМРИ-ДПМНЕ
