Во програмата „Проверено“ на ВМРО-ДПМНЕ се опфатени мерки како неколкукратно зголемување на платите, пензиите, социјалната парична помош. Разликата и остварливоста меѓу економската политика и проекти на позицијата и опозицијата е повеќе од очигледна. Додека ВМРО-ДПМНЕ ги има опфатено сите категории граѓани и инвестиции од сите сектори, од патишта, железнички и пловен сообраќај, авиосообраќај, градење, урбанизам, енергија, СДСМ анемично се осврнува само на некои сектори во кои ќе инвестира, но без детали како и кога ќе го направи тоа, пишува Курир.
Вистинско изненадување предизвика мерката од прграмата на ВМРО-ДПМНЕ за отпис на заостанатите долгови за сметки на граѓаните, како и новите зголемени субвенции за земјоделците. За помладите ќе се продолжи со проектот компјутер за секое дете, но овој пат ќе се дели таблет за секое дете.
Покрај автопатите Демик Капија- Смоквица, Скопје- Свети Николе- Штип и Кичево- Охрид, има и други како изградба на 30 патни правци, изградба на пет експресни патишта и 122 локални патишта од вкупна должина од 200 километри. Ќе се инвестира и во изградба на железница кон Бугарија, нови вагони, како и изградба на училишта и градинки.
-Јас доаѓам со 2046 проекти, ама доаѓам исто така и со неколку илјади завршени проекти. Ветени и реализирани. Тоа ни е најголемиот капитал, најголемата гаранција. Отчетот е гаранцијата дека новата програма ќе се заврши. Затоа што ние излеговме со отчет и во 2008-ма и во 2011-та, ова е сега од 2014-та. Тоа ни е гаранцијата дека оваа програма со 2046 проекти ќе ја завршиме. Дајте сите да ја концентрираме енергијата кон онаа политичка гарнитура која има најквалитетна програма, вели Груевски и додава дека за ветените 2046 проекти има конкретни рокови до кога треба да се исполнат и колку средства ќе бидат потребни.
И според аналитичарите ова е најквалитетната програма на политичката сцена.
–Во оваа изборна програма се понудени низа стратешки приоритети и планови за наредните четири години, кои се распространети на нешто помалку од четиристотини страници. При темелната анализа на понудената изборна програма од страна на ВМРО-ДПМНЕ јасно се покажува континуираното развивање на сите општествено-политички сфери и во нив е имплементиран комплетно нов, свеж и растечки дух со кој оваа политичка партија цврсто и визионерски чекори кон реализација на актуелни, но и кон идни развојни цели кон кои сметаат дека треба да се стреми Република Македонија, смета Доцент доктор Иванка Додовска од Правниот факултет
Наспроти ова, СДСМ не излезе со конкретна програма. На митинзите се говори за се’ друго, само не за проекти. Концетрирани се на напади и обвинувања, граѓаните не слушнаа ништо конкретно до сега.
-Мора да се победи оваа недемократска власт. Во име на граѓаните, со задоволство можам да констатирам, тоа што го чуствувавме на сопствена кожа, повеќе нема да го потиснуваме. Нема веќе да премолчуваме, на овие избори тоа ќе го спречиме, ќе победиме. Цврсто сме решени да ја вратиме државата на граѓаните. Може да се врати и меѓународниот углед на земјата, може да станеме членка на НАТО и на ЕУ без да се промени името, вели Заев во своите говори.
За многуммина, ова е реазултат на погрешен концепт кој го застапува СДСМ. Граѓаните пред се’ сакаат да слушнат што политичарите имаат да понудат, проекти и визија. Познавачите сметаат дека СДСМ води многу повеќе негативна од позитивна кампања, многу време и енергија троши во анализите на тоа како владее ВМРО-ДПМНЕ и кои се неговите грешки отколку што се посветува на сопствената програма, на својата визија.
