СДСМ и Зоран Заев и понатаму продолжуваат со ширење на лаги и манипулации. СДСМ, Заев и Царовска мора да одговорат кои се тие 43 детски градинки кои во моментот се градат и опремуваат?, велат од ВМРО-ДПМНЕ.
-Доколку СДСМ и Царовска навистина се грижеа за децата немаше да го укине додатокот за трето дете. Доколку СДСМ и Царовска навистина се грижеа за вработените во градинките немаше на почетокот на годината да им ја намали платата за околу 900 денари, туку ќе им ги зголемеше платите. Ниту СДСМ знае да управува со државата, ниту Заев знае да управува со владата а ниту Царовска со министерството за труд и социјална политика, стои во партиската реакција и се додава:
„Криминалната СДСМ мора веднаш да си замине. За доброто на граѓаните и државата мора веднаш да се распишат предвремени парламентарни избори и граѓаните да одлучат за крајот на владеењето на аболицираниот Зоран Заев“.
