Европската агенција за лекови (ЕМА) примила извештаи за 11 случаи на тромбоза со тромбовитопенија по вкацинирањето со „Pfizer“ и 2 по употребата на „Moderna“ во Европската економска заедница (ЕЕЗ), во којашто покрај земјите од Европската унија влегуваат и Норвешка, Исланд и Лихтенштај, но сѐ уште нема да отвори посебна истрага и ќе продолжи да ја следи ситуацијата, изјавил извор од регулаторот за агенцијата EFE.
Според соговорникот на службената шпанска новинска агенција, „иако се пријавени некои случаи“ на згрутчување на крвта со ниско ниво на тромбозцитите, што е забележано по аплицирањето на споменатите вакцини против коронавирусот, овие бројки се исклучително мали и не предизвикуваат загриженоста за да отпочне посебна истрага за ризикот од згручување на крвта како можна појава по вакцинирањето со двете споменати вакцини базирани на ткн „гласничка РНК“ (mRNK).
Истакнал дека пријавени се 11 случаи на тромбоза на 60 милиони вакцинирања со „Pfizer“ и два случаи по употреба на 5 милиони дози од „Moderna“. Сепак, додал изворот, ЕМА „внимателно ги следи случаите на пријави на нус-појави“ по употребата на двете вакцини.
Европскиот регулатор за лекови претходно започна со проучувањето на податоците за развој на тромбоемболиски компликации кај пациентите вакцинирани со препаратот на американскиот производител „Johnson&Johnson“, кој е фармаколошки оддел на мултинационалниот концерн „Janssen“.
Претходно, слични компликации беа пријавувани со употребата на вакцината против коронавирусот на англо-шведскиот производител „AstaZeneca“. Во ЕМА препознаа можна поврзаност со оваа вакцина и одлучи овие информации за компликациите да ги вклучи во досието за вакцината, а повеќе европски земји ја запреа употребата на овој препарат против Covid-19, за помладите од 55 години, особено за женската популација.
