Во немирното тргување на Волстрит во понеделникот, индексите S&P 500 и Nasdaq благо пораснаа и покрај слабите податоци за индустриската активност во САД и дефектот на њујоршката берза што накратко го запре тргувањето со десетици акции.
Падот на њујоршката берза предизвика огромни промени во цените на акциите на „Berkshire Hathaway“ и „Barrick Gold“. Тргувањето со најмалку 60 акции беше привремено запрено поради нестабилност, пред берзата да го реши технички проблем и да продолжи активноста.
На крајот од тргувањето, њујоршкиот Dow Jones индекс загуби 115,29 поени или 0,38 отсто, на 38.571 поен. Истовремено, индексот S&P 500 порасна за 0,11 отсто, на 5.283 поени, а индексот Nasdaq за 0,56 отсто, на 16.828 поени.
Технолошките акции забележаа најголеми добивки, додека енергетските акции забележааво просек најголеми загуби во просек.
Пазарот на капитал беше под притисок од неодамнешните податоци кои покажуваат забавување на фабричката активност во САД втор месец по ред, што ја подгрева загриженоста за можното економско забавување.
„Ова беше еден од оние денови кога инвеститорите го чекаат следниот катализатор, а тргувањето не е постојано во услови кога на пазарот се забележува забавување на индустриската активност додека се чека Fed (американската централна банка) да ги намали каматните стапки“, вели Кит Лернер, еден од директорите за вложувања во „Truist Advisory Services“ во Атланта.
Учесниците на пазарот проценуваат дека шансите Fed да почне да ги намалува каматните стапки во септември се 59 отсто или пет отсто повеќе отколку пред податоците за слабеење на индустриската активност.
Цената на акциите на „Nvidia„ се зголеми за 4,9 отсто откако нејзиниот извршен директор Џенсен Хуанг откри дека компанијата ќе ја претстави следната генерација на својата платформа за чипови со вештачка интелигенција во 2026 година. Пораснаа и акциите на другите големи технолошки компании, вклучувајќи ги „Apple“, „Amazon“, „Alphabet“ и „Meta“.
На повеќето европски берзи цените на акциите пораснаа во понеделник поради очекувањата дека Европската централна банка ќе ги намали каматните стапки оваа седмица. Франкфуртски DAX се зголеми за 0,6 отсто, на 18.608 поени, а париски CAC за 0,06 отсто, на 7.998 поени, додека лондонски Ftse индекс ослабе за 0,15 отсто, на 8.262 поени.
